Айлық мұрағаты: Сәуір 2019

Академия Жаршысы жаңа мәртебеге ие болды

17.04.2019

2019 жылғы 17 сәуірде «Құқық қорғау органдары академиясының жаршысы» ғылыми журналы ғылыми қызмет нәтижелерін жариялау үшін Білім және ғылым министрлігінің Білім және ғылым саласындағы бақылау комитеті ұсынған басылымдардың тізіміне енгізілді.

Жаршы 2016 жылы құрылды. Журналдың форматы, оның тұжырымдамасы маңызды заң тақырыптарына елеулі ғылыми диалог жүргізуге мүмкіндік береді. Басылым құқық қолдану тәжірибесінің өзекті проблемаларына арналған кең ауқымды мәселелерді кәсіби талқылау үшін пікірталас алаңына айналды.

Оның беттерінде құқық қорғау қызметі, заң ғылымы мен халықаралық құқық саласындағы іргелі және қолданбалы зерттеулердің нәтижелері жарияланады, отандық және шетелдік ғалымдар мен практиктер пікір алмасады.

Басылымға жаңа мәртебе беру оның ғылыми басылымдар арасында еңбегі сіңген беделі болғанының дәлелі.

Бұл маңызды және қуанышты оқиғаны Академия ұжымымен бүгінгі күні көптеген авторлар мен хабаршының оқырмандары бөлісуде.